É Licenciada en Farmacia pola Universidade de Santiago de Compostela e Doutora en Bioloxía Molecular pola Universidade Complutense de Madrid ( CIB, CSIC).

Investigadora líder a nivel internacional en enfermidades dexenerativas e cancro.

Durante 4 anos realizou dúas estancias, no Imperial College London e no MRC London Institute of Medical Sciences.

Desde o ano 2010 desenvolve a súa actividade no INIBIC na Coruña, onde lidera o grupo de investigación preclínica CellCOM formado por persoal clínico e investigador. Un grupo de 17 profesionais centrados na procura de novas dianas terapéuticas para o tratamento de enfermidades asociadas á idade e cancro.

María D. Mayán conseguiu proxectos de investigación altamente competitivos en convocatorias europeas e a nivel nacional. Publicou en revistas de alto impacto como Nature e o seu grupo rexistrou 4 patentes.

Recibiu dous premios de investigación da Sociedade Española de Reumatoloxía.
Participa de forma activa en actividades de divulgación científica, e é convidada de forma regular a congresos e centros de investigación a nivel internacional.