Ana Freire, Enxeñeira e Doutora en Informática, é docente e investigadora na UPF Barcelona School of Management, onde ostenta o cargo de Vicedecana de Impacto Social e Innovación Académica.

É tamén conselleira e asesora no bo uso da Intelixencia Artificial en diferentes institucións públicas e privadas (Renfe, Fundación Hermes, Xunta de Galicia, Unicef, Ashoka, Comisión Europea, Presidencia do Goberno).

Dra. Freire é unha das referentes a nivel estatal en intelixencia artificial aplicada a saúde mental. En 2017 creou o proxecto STOP (Suicide prevenTion in social Platforms) que utiliza Ciencia de Datos e Intelixencia Artificial para estudar problemas mentais en redes sociais e ofrecer axuda a persoas que poidan necesitar apoio emocional.

Traballou en centros de prestixio internacional como Yahoo Labs, a Universidade de Glasgow ou o Centro Nacional de Investigación de Italia. Foi incluída na lista Forbes dos máis creativos no mundo dos negocios 2025 e acumula numerosos recoñecementos nacionais e internacionais.

Dra. Freire é, ademais, unha gran divulgadora da ciencia e a tecnoloxía, participando como conferenciante en numerosos eventos a nivel nacional e internacional. Un bo exemplo foi a súa conferencia en TEDx UDeusto “Tecnoloxía e Saúde Mental: rivais ou aliadas?”.