Marta Rey-Garcia é profesora titular da área de Comercialización e Investigación de Mercados, Departamento de Empresa, Facultade de Economía e Empresa, Universidade da Coruña (UDC).
Desde o inicio da súa carreira como profesora universitaria en 2009 impartiu docencia en castelán e inglés en materias de Marketing ou relacionadas coa responsabilidade social corporativa, a innovación social e a sustentabilidade en diversas titulacións da UDC, tanto de grao como de master.

Desde 2011 dirixe a Cátedra Inditex de Sustentabilidade na UDC e o seu Curso de Especialización en Sustentabilidade e Innovación Social ( CESIS). Desde 2018 coordina o Grao en Xestión Industrial da Moda da UDC.

Conta cun sexenio de investigación da CNEAI.
Antes de incorporarse á UDC desenvolve a súa carreira profesional como xestora de entidades non lucrativas. En 1996 incorpórase á Fundación Pedro Barrié de la Maza, da que é directora ata decembro de 2008. Conta con ampla experiencia de transferencia de coñecemento como consultora e membro de órganos de goberno para entidades non lucrativas. Desde 2015 dirixe o Global Civil Society Seminar organizado pola Fundación Rafael do Piñeiro en colaboración coa Harvard Kennedy School.