Marta Bobo, nacida en Ourense, é unha ex ximnasta rítmica que formou parte do primeiro equipo de elite español de ximnasia rítmica.

Foi 9ª nos Xogos Olímpicos de Los Ángeles 1984, os primeiros Xogos onde houbo competición de ximnasia rítmica.
Foi campiona de España en 2ª categoría (1979) e en dúas ocasións en categoría de honra (1981 e 1983).
Entre outros galardóns, recibiu o Premio Reina Sofía á mellor deportista española nos Premios Nacionais do Deporte de 1984 (1985).

Actualmente exerce como profesora universitaria de Expresión Corporal e Danza na Facultade de Ciencias do Deporte da Universidade da Coruña.

Ademais de docente na UDC é investigadora nas áreas de Rendemento deportivo e Muller, actividade física e Calidade de vida. Coordina o GEXAFD, Grupo de Estudos de Xénero, Actividade Física e Deporte da UDC.

Tamén a nivel internacional é Xuíz de Ximnasia Rítmica nivel Brevet da FIG (Federación Internacional de Ximnasia) desde 1993, e desde 2009 é Membro de Grupo de Expertos da Academia da FIG e imparte a nivel Mundial Academias de formación de adestradores por todo o mundo. As últimas en Australia, Sudáfrica, Exipto e actualmente de camiño a Costa Rica.