É Coordinadora-Fundadora de saludymovimiento.es

Naceu na cidade de Río Terceiro, Córdoba, Arxentina, o 12 de marzo de 1980 e desde moi pequena estivo vinculada á actividade física e o deporte. Cursa os seus estudos superiores en Córdoba Arxentina e ao acabar con 22 anos decide viaxar a España para traballar e especializarse.

Cursa e valida as súas titulacións na Universidade da Coruña, compaxina estudos con traballo e é no ano 2009 cando decide comezar a dar os seus primeiros pasos como emprendedora autónoma.

Implementa e consolida na Cidade da Coruña unha nova modalidade deportiva, a Marcha Nórdica ou Nordic Walking.
Saúde e Movemento, nace xunto á marcha nórdica co fundamento de que a actividade física saudable pasa por desenvolver programas participativos, opostos ao rendemento-competitivo buscando enriquecer experiencias persoais, asentándose sobre unha práctica social que conleva a un benestar persoal e social.

Dirixe tecnicamente dúas competicións oficiais a nivel nacional de Marcha Nórdica nos anos 2017 e 2019, sendo a do 2017 a primeira competición oficial de Marcha Nórdica na historia deste país. En 2019, paralelamente á Copa de España, celebrouse o 1º Campionato Galego desta disciplina.