Accessibility Tools

O próximo 21 de outubro, Executivas de Galicia organiza unha visita e comida networking en Ourense.

A doutora María Graña, xerente de ZYGOS, Centro Galego de Reprodución faranos un percorrido polas instalacións da súa clínica de Ourense e comentaranos os seus métodos de traballo e avances, pois é o único centro na península que dispón de todos os tratamentos de fertilidade.
Posteriormente terá lugar unha comida networking no propio centro, situado en C/ Nuestra Señora de la Sainza, 29 Baixo – 32005 Ourense.

A visita comezará a partir das 13:15 horas, e a comida terá lugar sobre as 14:00 horas.

Contará con aforo limitado e para poder participar é obrigatorio facer a inscrición e pago antes do 19/10/22 ás 12:00 horas na ligazón que aparece máis abaixo.

Como é habitual, falarase sobre diferentes temas relacionados coa visibilidade e empoderamento das mulleres e os últimos proxectos e eventos de Executivas.

A todas as socias lembrámoslles que:

    • cada socia pode levar unha invitada (deberá facer a inscrición previamente)
    • as socias e invitadas realizarán unha presentación de 45 segundos: nome, cargo e empresa

Executivas de Galicia aspira a converterse en motor do cambio da nosa sociedade e co formato de almorzo networking pretendemos que as socias se coñezan para fomentar contactos e relacións, discutir temas de actualidade profesional de interese e crecer en asociadas para conseguir máis visibilidade e facer oír as nosas inquietudes, ideas e propostas.