Un mes máis, desde Executivas de Galicia organizamos un novo programa Meet- up Referentes Galegas, encontros mensuais en formato en liña de hora e media de duración no que tres ou catro profesionais reflexionan sobre temas de actualidade.
No encontro de xuño analizaremos como afectou a pandemia ao sector da formación, como tiveron que enfrontarse aos retos e desafíos que supuxo a continuidade da formación en modalidade a distancia, pola imposibilidade de tomar clases presenciais, e se supuxo un punto de inflexión para a formación do futuro.
O quinto Meet- up Referentes Galegas Como será a educación do futuro? Os grandes retos do sistema educativo, terá lugar o próximo 16 de xuño de 19:00 a 20:30 (atrasamos o noso horario habitual) e contaremos coa participación de:
Carmen Pomar, licenciada en Psicoloxía pola Universidade de Santiago e Doutora en Psicoloxía no Departamento de Psicoloxía Evolutiva e da Educación.
Profesora na Universidade da Rioxa durante dous anos e, desde o ano 2003, profesora no Departamento de Psicoloxía Evolutiva e da Educación da Universidade de Santiago.
Directora da Unidade de Atención Educativa en Altas Capacidades da Universidade de Santiago desde 2009 e directora de proxectos de atención educativa no campo da optimización do talento. Tamén é autora da guía O triángulo máxico das altas capacidades para profesorado galego, así como de capítulos de libro e artigos sobre intelixencia, motivación e altas capacidades.
Foi Conselleira de Educación, Universidade e Formación Profesional de 2018 a 2020.
Elena Rivo, Doutora en Administración e Dirección de Empresas, é Profesora Doutora e investigadora no Departamento de Organización de Empresas e Marketing da Universidade de Vigo desde 1999.
Desde 2019 é Comisionada de Coordinación Institucional da Universidade de Vigo.
De 2013 a 2019 foi Decana da Facultade de Ciencias Empresariais e Turismo de Ourense.
Desde novembro do 2011 ata xuño de 2014, coordinou o Máster Universitario en Creación, Dirección e Innovación na Empresa da Universidade de Vigo.
En canto á investigación, participa en diversos traballos e proxectos de investigación, traballando temas relacionados coa empresa familiar, a creación de valor e a innovación. É codirectora da Cátedra da Empresa Familiar da Universidade de Vigo e pertence ao Grupo de investigación XENE (Governance and Economics research Network).
Beatriz Lorenzo, é Coordinadora Xeral de IESIDE, onde aterrou en abril de 2019.
Previo ao seu desembarco en IESIDE, foi a Directora de Relacións en Latino América para London School of Economics and Political Science considerada unha das mellores universidades do mundo en ciencias sociais.
A súa “primeira vida profesional” foi en banca na antiga Caixa Galicia onde desenvolveu a súa carreira durante 11 anos, os ultimos como Directora da oficina de Londres e aí o seu destino cambiou. Latino América e London School of Economics cruzáronse no seu camiño e se reinventó marabillosamente ao mundo da Educación superior.
Ana Prado, é licenciada en Ciencias Políticas e Ciencias da Comunicación pola Universidade Complutense de Madrid. Ana leva máis de 15 anos vinculada a Netex Learning, empresa líder en tecnoloxía educativa que ofrece solucións e servizos para a formación nas empresas e contidos intelixentes para institucións educativas e editoriais, e desde hai 12 anos desempeña o cargo de directora de Contidos Educativos.
Entre os principais proxectos nos que participou destacan Libroweb da editorial Santillana e a coordinación de e-Dixgal da Consellería de Educación da Xunta de Galicia. Tamén colaborou no proxecto Aula Dixital Canaria da Consellería de Educación do Gobierno de Canarias.
A súa traxectoria profesional abarca desde o xornalismo ata a edición de libros de texto ou métodos de ensino do español como lingua estranxeira, en editoriais como Bruno ou Espasa Calpe.
Inés Salcines Gayoso, é Directora de EF Business School e Vicepresidente da Fundacion Venancio Salcines.
Licenciada en Económicas pola Universidade da Coruña (2011/15), Master en Tributación e Asesoría Fiscal por EF Business School (2017/18), Executive MBA (2018/19) por EF Business School.
Work Experience en CISI (Chartered Institute for Securities & Investments), Londres (2013).
Estancia internacional en Univisertity College Cork (2013/14).
Auditora Contable en PwC durante 3 años, (2015 -2017).
Responsable do Departamento Financeiro do grupo familiar que aglomera as empresas: EF Business School, Fundacion Venancio Salcines e Brexo Investment durante os seguintes 2 anos (2018-2019).
O encontro estará moderado por Susana Pérez Crespo, socia de Executivas de Galicia e presidenta da Asociación para a Prevención e a Educación Social.
Para que o encontro sexa ameno e dinámico, podendo participar os/as asistentes, contará con prazas limitadas, polo que será necesario facer previamente a inscrición na ligazón que aparece máis abaixo.