Desde Executivas de Galicia invitámoste a participar no noso próximo encontro de networking en Ourense. Unha oportunidade excepcional para fortalecer vínculos, compartir sinerxías e seguir impulsando o talento feminino na nosa comunidade.
Nesta ocasión, temos o pracer de contar con Emma González, xerente do INORDE. Será unha oportunidade única para coñecer de primeira man os proxectos que impulsan a economía de Ourense e como conectar o teu negocio con eles.
Como é habitual nas nosas citas, aproveitaremos o espazo para debater sobre a visibilidade e o empoderamento da muller na contorna profesional, alén de poñervos ao día sobre os últimos proxectos e eventos que estamos a impulsar desde a asociación.
Detalles do Evento
-
- Data: venres 19 de xuño de 2026.
- Hora: 09.30 horas.
- Lugar: Arce House (Ourense).
- Inscrición: Imprescindible inscribirse a través do formulario (máis abaixo) antes do 16/06/2026.
- Prazas limitadas! Asegura a túa canto antes para non quedarche fóra deste encontro.
Para que a xornada sexa o máis produtiva posible, lembrade que:
-
- Invitadas: Cada socia pode vir acompañada dunha invitada (lembrade que ela tamén debe completar a súa inscrición no formulario).
- Elevator Pitch: Tanto socias como invitadas dispoñerán de 45 segundos para presentarse (nome, cargo e empresa). Preparade o voso mellor discurso para que todas poidamos coñecervos!