Premio Executivas

Premio Executivas

Unha vez ao ano, Executivas de Galicia concede o seu Premio Executivas a personalidades, empresas, públicas ou privadas, ou proxectos e iniciativas que poñan de relevo o liderado feminino, favorezan a conciliación e se comprometan coa igualdade de oportunidades e a paridade entre homes e mulleres.

A Xunta Directiva de Executivas, formada por 13 profesionais elixe por consenso á persoa ou entidade galardoada. O acto de entrega do Premio ten lugar no marco do Foro da Comunicación de Galicia.

O galardón é unha escultura do artista galego Miguel Couto, denominada Muller, onde reflexiona sobre o triunfo persoal da muller.

Na pasada edición o Premio Executivas recaeu na científica Marisol Soengas, investigadora, directora do Grupo de Melanoma do Centro Nacional de Investigacións Oncolóxicas (CNIO) como recoñecemento á súa traxectoria investigadora e por contribuír co seu traballo para dar visibilidade ao importante papel da muller na Ciencia.