É Licenciada en Ciencias Empresariais, coa especialidade de Investimento e Financiamento.
Ao longo da súa carreira profesional ha complementado a súa formación adquirindo especialidades en diversos ámbitos como Planificación e Desenvolvemento local, Xestión Ambiental e Economía Circular, Xestión da Innovación, Xestión de Recursos Humanos e Talento, entre outros, adquirindo unha visión estratéxica da problemática da innovación pública e privada, rexional, nacional e internacional.

Foi Responsable do programa Leader Plus 2000-2006 na Fundación Terra Chá ( GDR-2), Consultora Senior en Econet, Directora de Innovación en FEUGA (Fundación Empresa-Universidade Galega) e Directora da área de Centros de GAIN Axencia Galega de Innovación. Durante este tempo desenvolveu consultoría ambiental e de sustentabilidade para entidades privadas e públicas como a Consellería de Medio Ambiente coa que colaborou durante máis de seis anos.

Actualmente traballa no INL – International Nanotechnology Laboratory como responsable de desenvolvemento de negocio e relacións estratéxicas para España.

É Embaixadora e representante do Instituto Gallego do talento en Portugal, comprometida coa xestión e promoción do talento, especialmente do talento feminino, e a difusión da marca Galicia no mundo.