Publicista, filóloga, máster en márketing dixital e certificada en Creative Problem Solving, Chío Infante é socia fundadora de Venditos, axencia creativa, onde desenvolve as funcións de dirección de márketing e creatividade.

Chío Infante acumula 15 anos de experiencia en comunicación publicitaria e empresarial traballando para institucións públicas e departamentos de márketing de varias empresas de España como interim manager nas áreas de vendas, merchandising, publicidade, creatividade e dircom.

É tamén formadora para diferentes entidades, onde acumula máis de 8000 horas de docencia en entidades privadas, relatora en congresos internacionais e mentora de emprendedores para Youth Business Spain.

Recentemente gañou varios premios de creatividade no Smile Festival e foi a gañadora da XI edición do Premio de Xornalismo Doura Vázquez no ano 2013.