Doutora en Ciencias Químicas pola Universidade de Santiago de Compostela, cofundadora e Conselleira Delegada de GalChimia, e presidenta da Agrupación industrial Tecnolóxica Empresarial das Ciencias da Vida – BIOGA.

GalChimia é unha compañía de servizos de Química Orgánica Sintética que centra o seu negocio en I+D ofrecendo servizos especializados e de alto valor engadido para as industrias química, farmacéutica, agroquímica e biotecnolóxica. É o que se denomina no sector farmacéutico como unha CRO ( Contract Research Organization) que ofrece servizos de I+D a terceiros.
GalChimia conseguiu posicionarse como líder nacional no seu sector. Cun equipo de máis de 50 persoas (60% mulleres), presenza en 25 países e 3 centros de traballo (Galicia, Madrid e Barcelona) GalChimia segue defendendo os seus valores de comunicación, compromiso, transparencia, innovación e orientación ao cliente.