M. Ángeles Romero Rodríguez é Dra. en Farmacia e Catedrática de Universidade da área de Tecnoloxía de Alimentos na Universidade de Santiago de Compostela.

Imparte diferentes materias do Grao en Nutrición Humana e Dietética e do Master en Innovación, Nutrición, Seguridade e Tecnoloxía Alimentaria, entre outras. É Coordinadora das prácticas externas do alumnado destas Titulacións.

Dirixe traballos de investigación (Teses Doutorais, Proxectos Fin de Grao e Master), publica artigos, libros, capítulos de libros e participa en Congresos internacionais e nacionais. Ademais, dirixe e participa diferentes proxectos de investigación internacionais, nacionais e autonómicos e contratos e convenios con empresas e entidades.

Imparte numerosas conferencias e organiza diferentes Congresos, Cursos e Xornadas.

É membro de varios Comités Científicos, referee de diferentes revistas e avaliadora de proxectos de investigación da ANECA e de EQA.

É socia fundadora e secretaria do Consello de Administración da spin-off TASTE LAB, S.L. que é a primeira empresa Tecnolóxica de Análise Sensorial.

Asesora e colabora con diferentes entidades e administracións para desenvolver plans alimentarios de diferentes zonas, para promover a alimentación saudable, desenvolver guías de alimentación, asesorar sobre técnicas culinarias para diferentes colectivos, etc.

É coordinadora do grupo de traballo (base empresarial) para a elaboración dunha estratexia de prevención da obesidade infantil en Galicia (Plan Xermola).

É a Presidenta da Comisión de Igualdade de Xénero da Facultade de Ciencias, a representante da Universidade de Santiago de Compostela en temas de alimentos e dirixe a Cátedra Institucional do Pan e do Cereal.