Ana Inés Jabares-Pita é unha deseñadora e artista galega premiada internacionalmente. O seu traballo pódese gozar en ópera, danza, teatro, cine e exposicións. Ten unha extensa formación musical e un gran interese polas novas tecnoloxías como parte do proceso de deseño.

Actualmente está a deseñar a ópera Breaking The Waves de Missy Mazzoli, dirixida por Melly Still para o teatro St. Gallen, Suiza e deseñará a exhibición de Nadal no Gaias no ano Xacobeo 2021 ademais de debutar no West End de Londres coa obra Pride and Prejudice sort of *

Ana foi gañadora do Premio Linbury en 2013 e Jerwood Young Designer no Gate Theatre en 2014.

Traballa coas compañías mais prestixiosas do Reino Unido, incluíndo English National Opera, Royal Court Theatre, Young Vic, Royal Shakespeare Company, Headlong, Birmingham Repertory Teatro, Royal Lyceum, Gate Theatre, National Theatre of Scotland e museos como Dulwich Picture Gallery e V&A. Os seus deseños víronse internacionalmente en Italia, Dinamarca, Alemaña, Canadá, España, Australia e Estados Unidos.