Experta en comunicación empresarial e relacións institucionais. Unha apaixonada da súa profesión da que ten a oportunidade de gozar nunha empresa como Naturgy tamén como presidenta de Dircom Galicia, plataforma desde a que persegue consolidar a figura e funcións do directivo de comunicación como axente estratéxico esencial para o funcionamento e desenvolvemento das organizacións, das empresas en Galicia. Apunta maneiras como evanxelizadora neste ámbito e espera conseguilo ao final do seu mandato.

E como presidenta de Dircom, participa no consello directivo da Asociación Española de Directivos de Galicia con responsabilidade sobre a coordinación da área Galicia Global, unha iniciativa que vai encamiñada a fortalecer a internacionalización da economía galega e o desenvolvemento internacional dos seus líderes actuais e futuros.