Alejandra Díaz nace en Lugo o 30 de setembro de 1987.

Desempeña o seu labor docente como Catedrática de violoncelo no Conservatorio Superior de Música da Coruña, labor profesional que compaxina coa investigación predoctoral na Universidade de Santiago de Compostela, así como a interpretación.

En 2023 publica o seu primeiro proxecto discográfico “BERCE” co selo RDC. Un álbum que mira ás súas raíces, do que é produtora artística e no cal colaboran referentes de diversos sectores galegos.
Foi entrevistada en diversos medios de comunicación como a Radio Galega ou o Zigzag Diario. O álbum tamén recibiu excelentes críticas en revistas especializadas como RITMO ou Melómano Dixital.

En 2022 obtivo o posto de violoncello principal asociada da Israeli Opera. Tras ser seleccionada no “LSO Scheme”, converteuse ademais na primeira violonchelista española en tocar xunto á London Symphony Orchestra.

Completou o Guildhall Artist Master of Performance e o Bachelor Honours Degree pola City University of London e a Guildhall School of Music & Drama.

Entre os seus logros máis destacados cabe citar o “Carnegie Palmer Award”, premio que recibiu da Worshipful Company of Musicians e foi finalista do prestixioso Galardón Internacional Pablo Casals.

Foi dirixida por aclamados directores de orquestra, actuou en importantes salas de concertos de España, Portugal, Italia, Inglaterra, Emiratos Árabes Unidos e Israel e participou en diversos festivais internacionais.
A súa traxectoria artística foi avalada por importantes fundacións como a Carne Trust, Guildhall Trust ou a Worshipful Company of Musicians.