Realizou a especialidade de Inmunoloxía na Clínica Puerta del Hierro de Madrid e posteriormente unha estancia postdoutoral co Dr. César Milstein (premio Nobel pola técnica de obtención dos anticorpos monoclonales) no MRC de Cambridge.

Incorpórase á Universidade de Vigo en 1996 para iniciar unha área nova en Inmunoloxía, única en Galicia.

É Catedrática de Inmunoloxía e lidera un grupo de investigación de Referencia Competitiva (Xunta de Galicia) que investiga en Inmunoloxía básica e aplicada con centos de artigos publicados.

É Académica da RAFG desde 2019. Directora do Centro de Investigacións Biomédicas (CINBIO) “Centro de excelencia de investigación de Galicia” da Universidade de Vigo (2009-2019), Presidenta da Sociedade Española de Inmunoloxía (2016-2020) e co-promotora da empresa NanoImmunoTech.

Divulgadora en medios de comunicación e autora de libros divulgativos, como “Inmuno Power: coñece e fortalece as túas defensas” e “Sistema inmunitario e vacinas”

Foi nomeada aos premios Women Innovator pola Comisión Europea (2017) e galardoada con diversos premios: Muller científica (2018), Mellor traxectoria profesional (Empresarias de Galicia, 2019), Executivas de Galicia (2020), Women CEO (Ciencia e muller, 2020), Ernestina Otero (Igualdade-Concello de Vigo, 2022), Viguesa distinguida (Concello de Vigo, 2023) e Alumni-honorífica (Universidade de Vigo, 2023).