Executivas de Galicia, en colaboración coa Secretaría Xeral de Emprego da Xunta de Galicia, organizou unha nova xornada do programa 12 Razóns polo emprego en Igualdade, este xoves 13 de xuño de 11.30 a 13.30 na sede do Centro de Desenvolvemento Cooperativo do Polígono de Pazós en Verín.
Esta actividade será inaugurada pola secretaria xeral de Emprego dá Xunta de Galicia, Convadonga Toca Carús, e a presidenta de Executivas de Galicia, Carla Reyes Uschinsky.
O taller co título Emprendemento e empoderamento, fará un repaso por temas como o perfil do emprendedor, a idea de negocio, o liderado e o empoderamento, a calidade no emprego e os programas de axuda para as iniciativas empresariais.
Os relatores que impartirán os diferentes temas serán Daniel Diéguez, socio da cooperativa e técnico de promoción do cooperativismo dá rede Eusumo, e Inma García Carneiro, directora da sucursal Ourense Multinacional OVB Allfinanz.
A entrada é gratuíta previa inscrición a través do correo inscricionxornadasourense@dev.executivasdegalicia.org.
O programa consta de 12 eventos que se celebrarán en diferentes puntos estratéxicos de áreas industriais e empresariais de todo Galicia. Así se celebrarán as xornadas nas áreas empresariais de Santiago de Compostela, Arteixo, Narón, San Cibrao das Viñas, Verín, Cambados, Salnés, Porriño-Mos, Lalin2000, Lugo, Vilalba e Monforte de Lemos en colaboración coas asociacións empresariais e entidades locais.
