A Xunta Directiva de Executivas, formada por 12 profesionais, elixe por consenso á persoa ou entidade galardoada.

O acto de entrega do Premio ten lugar no marco do Foro da Comunicación de Galicia.

O galardón é unha escultura do artista galego, Miguel Couto, denominada Fémina, onde reflexiona sobre o triunfo persoal da muller.

Nas tres últimas edicións, as galardoadas foron Marisol Soengas (2018), Silvia Jato (2019) e África González (2020).

Marisol Soengas é investigadora, directora do Grupo de Melanoma do Centro Nacional de Investigacións Oncolóxicas (CNIO). Outorgóuselle o galardón como recoñecemento á súa traxectoria investigadora e por contribuír co seu traballo para dar visibilidade ao importante papel da muller na Ciencia.

Silvia Jato foi elixida na última edición por ser unha referente no sector da comunicación, polo seu compromiso con diferentes causas humanitarias, e, por suposto, coa igualdade de oportunidades para homes e mulleres.

África González é catedrática en Inmunoloxía e profesora da Universidade de Vigo. A súa larga carreira científica, os diversos premios e recoñecementos, como o último: a súa incorporación á Real Academia de Farmacia, son algunhas das razóns para outorgarlle este galardón, así como o seu espíritu colaborador, a súa calidez humana e o seu compromiso co liderado feminino de maneira xeral e, en particular no ámbito da ciencia.