En setembro volven os Face to Face de Executivas de Galicia!
O día 13 de setembro Executivas de Galicia organiza o III Face to Face “CiberTips: todo o que debes saber sobre Ciberseguridade… e non che contaron.”
O III Face to Face contará coa participación de Ana Salazar, Cybersecurity Manager (CISO) en Hijos de Rivera e Referente Galega. Durante o mesmo falaranos da importancia da ciberseguridade para as persoas e as empresas, e explicaranos diferentes conceptos con exemplos, ferramentas e tips de gran utilidade..
Como novidade en relación aos anteriores encontros, este terá lugar ás 11:00 nunha sala privada de Museo MEGA de Estrela Galicia, e inclúe unha visita ao mesmo.
Hai prazas limitadas e para poder asistir é necesario facer previamente a inscrición e pago no formulario que aparece máis abaixo.
No mes de marzo o grupo de Innovación e Desenvolvemento Sostible de Executivas de Galicia puxo en marcha os encontros Face to Face, encontros para as socias en formato pequeno e informal para abordar a innovación, transformación dixital e o desenvolvemento sostible e sostido.
Estes encontros poden darse en distintos formatos: charlas inspiradoras, presentación de casos de éxito e de usos reais, experiencias compartidas por asociadas e non asociadas, presentación de modelos exemplares de xestión innovadora etc. Sempre cunha temática específica en materias de innovación e desenvolvemento sostible.