O pasado 13 de febreiro, Executivas de Galicia organizou un encontro con Fabiola García Martínez, Conselleira de Política Social e Igualdade, nun almorzo que reuniu a un total de 36 socias na Finca Dos Lunas, en Santiago de Compostela.
Carla Reyes Uschinsky, a presidenta de Executivas de Galicia, realizou unha breve presentación da asociación e dos seus proxectos máis destacados. Na súa intervención, destacou a importancia do proxecto de Referentes Galegas, e anunciou a celebración dun gran encontro de Referentes o próximo verán, que será financiado pola Consellería de Política Social e Igualdade. Asimesmo, resaltou o programa de Executivas Junior, cuxa presentación oficial terá lugar o próximo 26 de febreiro na Cidade da Cultura.
O evento tamén serviu como espazo de networking. Cada unha das socias tivo a oportunidade de presentarse e compartir un pouco de información sobre a súa experiencia profesional, fomentado a colaboración e la sinerxia entre traballadoras.
No transcurso da reunión discutíronse cuestións clave relacionadas coa igualdade de xénero e a conciliación no ámbito laboral, co propósito de analizar e propoñer iniciativas que contribúen ao avance destas políticas en Galicia.
Pola parte, a conselleira Fabiola García expuxo as líñas de traballo da súa Consellería, facendo especial énfase nas axudas ao emprendemento feminino e no novo programa de inserción laboral para mulleres maiores de 55 años.
Esta reunión reafirma o compromiso de Executivas de Galicia coa promoción da igualdade, o liderado feminino e o desenvolvemento profesional das mulleres na comunidade.