No encontro, presentáronse os últimos proxectos liderados e postos en marcha pola entidade.
A presidenta de Executivas de Galicia, Carla Reyes Uschinsky, acompañada por socias da xunta directiva mantiveron este mércores 3 de febreiro unha reunión co Concelleiro de Emprego, Jesús J. Celemín e o Director de Emprego, Emilio Lesta, coa finalidade de presentar as actividades da asociación e buscar novas liñas de colaboración en materia de igualdade de oportunidades.
Durante o encontro, en formato dixital, fíxose un repaso das principais actuacións de Executivas de Galicia dos últimos tempos, como o programa Referentes Galegas, o I Foro de Emprego virtual ou as diferentes actividades de igualdade, entre outros, e manifestouse a necesidade de colaborar entre entidades para achegar valor social.
Deste xeito, barallouse a posibilidade de colaboración para a celebración de varias actividades co obxectivo de impulsar unha mellora na empregabilidade de mozas e mulleres usando as novas tecnoloxías.
Reunión coa Directora Xeral de Xuventude, Participación e Voluntariado, Cristina Pichel
A presidenta de Executivas de Galicia, Carla Reyes Uschinsky, acompañada polas socias Mariví Iglesias e Eva Castro mantiveron hai uns días unha reunión coa Directora Xeral de Xuventude, Participación e Voluntariado, Cristina Pichel, coa finalidade de presentar as actividades da asociación e establecer lazos de colaboración en materia de igualdade.