Executivas de Galicia forma parte xunto con entidades de mulleres empresarias e directivas do norte de España e de Portugal a creación da plataforma Eixo Atlántico de Mujeres Empresarias e Directivas, coa que se quere reunir o coñecemento, emprendemento e talento das mulleres do Eixo Atlántico, e poñelo ao dispor da sociedade.
Na xornada que se celebrou esta fin de semana en Oviedo, reuníronse representantes da Federación de Empresarias e Directivas de Asturias, da Asociación de Mujeres Empresarias de Cantabria, da Asociación de Mujeres Empresarias e Profesionais Liberais Muller Século XXI de Euskadi, da Asociación de Mujeres Empresarias e Directivas de Navarra, e da Asociación de Mujeres Empresarias e Directivas Leonesas, para crear as bases das futuras colaboracións.
O obxectivo principal é facer unha fronte único para expor de forma óptima os retos da muller empresaria, directiva e autónoma, levando solucións ás institucións económicas e políticas dos distintos territorios do eixo atlántico. través das actividades que se desenvolvan nos próximos anos e contribuír a xerar riqueza económica.
Ademais de Carla Reyes Uschinsky, presidenta de Executivas, en representación da entidade tamén participaron como integrantes da xunta directiva da asociación: Mónica Peláez de Audicon, Mónica Álvarez de Álvarez Real, Sara Campos de Gradiant e Anabel Martínez Díaz de Idae.
As entidades reunidas acordaron convocar o primeiro congreso anual desta plataforma, así como a estratexia inicial de traballo conxunto. Ademais de aprobar varias liñas de traballo como é inculcar desde a infancia que as mulleres poden desenvolver as súas carreiras profesionais en todos os sectores, incluídos o ámbito da ciencia e a tecnoloxía.
No evento tamén participou o subdirector xeral do grupo Banco Sabadell, Pablo Junceda, entidade que apoia esta nova iniciativa das mulleres empresarias e directivas.
