O día 4 de maio Executivas de Galicia organiza unha visita a Os Biosbardos, onde as socias Raquel Lago e Teresita Palacio acompañarannos no seu percorrido e falarannos do proxecto Os Biosbardos, Cultura de Leira.
Posteriormente terá lugar un tapeo.
O encontro celebrarase en Lugar de Lendoiro, s/n – Cambre (A Coruña), e a visita comezará ás 17:00 horas. Posteriormente terá lugar un tapeo.
O custo do picoteo é de 15 € por persoa, que se abonará previamente.
Contará con prazas limitadas e para poder participar é obrigatorio facer a inscrición e pago antes do 01/05/23 no formulario que aparece máis abaixo.
Como é habitual, falarase sobre diferentes temas relacionados coa visibilidade e empoderamento das mulleres e os últimos proxectos e eventos de Executivas.
A todas as socias lembrámoslles que:
-
- cada socia pode levar unha invitada (deberá facer a inscrición previamente)
- as socias e invitadas realizarán unha presentación de 45 segundos: nome, cargo e empresa
Executivas de Galicia aspira a converterse en motor do cambio da nosa sociedade e co formato de visita a empresas e networking pretendemos que as socias se coñezan para fomentar contactos e relacións, discutir temas de actualidade profesional de interese e crecer en asociadas para conseguir máis visibilidade e facer oír as nosas inquietudes, ideas e propostas.