Accessibility Tools

O venres 2 de xuño, Executivas de Galicia organizou un almorzo Networking co CEO de Hack a Boss, Pablo Rodríguez. Este tipo de eventos teñen como obxectivo fomentar a relación entre as socias en ambientes que dan pé a conversacións sobre temas de actualidade.

A coordinadora do evento, Úrsula Rábade, que forma parte da xunta de Executivas, destacou na súa presentación que Hack a Boss é unha empresa que casa cos principios da asociación, que está ao día en cuestións de equidade de xénero e inclusión.

Preto de 30 mulleres acudiron á cita no Hotel Praza da Coruña, onde coñeceron a estratexia dunha das primeiras empresas en implementar a xornada laboral de catro días. Hack a Boss avogou por este modelo de traballo desde o principio. Nos primeiros anos combinaban catro días de traballo cunha xornada centrada nas actividades e o teambuilding.

Durante a quenda de preguntas, as socias profundaron en cuestións como a flexibilidade e a conciliación. Rodríguez explicou que en Hack a Boss non controlan o tempo de traballo dos seus empregados, senón que se centran nos resultados. Tras a charla houbo tempo para a conversación entre as socias. Moitas se expuxeron a posibilidade de adaptar esta forma de traballo ás súas propias empresas expóndose cuestións como a aplicación da intelixencia artificial aos seus negocios.