A asociación estrea este proxecto o próximo 25 de marzo na Cidade da Cultura coa xornada intensiva “Menopausa e Liderazgo: ciencia, innovación e vida profesional”.
Executivas de Galicia dá un paso máis no seu compromiso co desenvolvemento integral da muller profesional co lanzamento de EXECUTIVAS TECH: Pílulas de innovación, coñecemento e crecemento. Este novo programa nace como un ecosistema para compartir coñecemento experto entre as socias en áreas estratéxicas como saúde, liderado, finanzas e tecnoloxía.
Aínda que o proxecto se consolidará a través de “pílulas formativas” breves lideradas polo talento interno da asociación, a estrea será cunha xornada de formato estendido que abordará un tema tan vital como, a miúdo, invisibilizado.
Menopausa e Liderazgo: Un enfoque 360 graos
Baixo o título “Menopausa e Liderazgo: ciencia, innovación e vida profesional“, o evento inaugural centrarase en ofrecer información rigorosa e ferramentas prácticas sobre a peri e menopausa, analizando o seu impacto directo na saúde, o benestar e a traxectoria das mulleres directivas e profesionais.
A xornada contará cun panel de expertos de primeiro nivel que tratarán aspectos médicos, nutricionais e tecnolóxicos, rompendo tabús e fortalecendo o liderado feminino en todas as etapas da vida.
Detalles do Evento
-
- Data: 25 de marzo de 2026.
- Horario: 16.00 a 20.00 h
- Lugar: Cidade da Cultura – Edificio CEM (Santiago de Compostela).
- Custo: Actividade gratuíta (previa inscrición).
- Público: Aberto a socias, invitadas e público xeneral (aforo limitado).
Programa da Xornada: O encontro dividirase en relatorios dinámicos de 25 minutos seguidas dunha mesa redonda final:
-
- Saúde Médica: A Dra. Raquel Carracedo e o Dr. José Ramón Caeiro Rey abordarán a realidade da menopausa hoxe e a prevención da perda de masa ósea.
- Vida Profesional: Marta Rivas analizará a xestión do cambio corporal na contorna laboral.
- Benestar e Nutrición: Laura Gómez García e Candela Martínez ofrecerán claves sobre exercicio e alimentación consciente.
- Innovación: Presentación de ferramentas tecnolóxicas.
- Networking: O evento incluirá unha pausa-café para fomentar o intercambio de impresións e fortalecer a rede de contactos entre as asistentes.
Inscricións: O evento é gratuíto, pero require reserva de praza debido ao aforo limitado.
Sobre Executivas Tech: Este espazo busca visibilizar o talento feminino e crear un diálogo constante sobre os retos da muller actual, combinando a innovación tecnolóxica co crecemento persoal e profesional.