Co obxectivo de seguir sumando sinerxías que fortalezan o tecido empresarial galego e o liderado feminino, Executivas de Galicia asinou o pasado mes de xuño un convenio de colaboración con Nortalia Galicia (Si Subvencións), consultora en materia de financiamento e estratexia empresarial, liderada pola nosa socia Agustina Pereira.
A través deste acordo, ambas as entidades buscan ofrecer ás profesionais e empresas da asociación un servizo de acompañamento estratéxico clave para potenciar o seu crecemento, dixitalización, competitividade e innovación.
Servizos crave ao servizo das asociadas. O convenio recolle unha serie de servizos especializados deseñados para dar resposta ás necesidades actuais das organizacións:
-
- Consultoría estratéxica: Diagnósticos personalizados orientados a identificar novas oportunidades de negocio, dixitalización, expansión e mellora competitiva.
- Xestión de financiamento: Identificación, solicitude e tramitación de subvencións, axudas públicas e outros instrumentos de apoio financeiro autonómicos, nacionais e europeos.
- Planificación formativa: Análise de necesidades de capacitación para os persoais e xestión integral do crédito formativo a través de FUNDAE.
- Asesoramento directo: Sesións individuais de 30 minutos para analizar de xeito rápido e directo as oportunidades de desenvolvemento e financiamento de cada proxecto.
Beneficios exclusivos e vantaxes competitivas. Como valor engadido e beneficio exclusivo para o colectivo, as empresas e profesionais asociadas a Executivas de Galicia contarán cun 10% de desconto sobre as tarifas habituais en todos os servizos de consultoría estratéxica, xestión de axudas, desenvolvemento de negocio e formación integral que ofrece Nortalia Galicia.
Con esta nova alianza, Executivas de Galicia reafirma o seu compromiso de facilitar ferramentas prácticas e de alto valor que impulsen a excelencia e a consolidación dos proxectos liderados por mulleres na comunidade.
As socias interesadas en realizar o seu primeiro diagnóstico gratuíto ou resolver dúbidas sobre como aplicar as vantaxes deste convenio aos seus proxectos poden poñerse en contacto directo co equipo de Nortalia Galicia (Se Subvencións) a través das súas canles de comunicación.
Máis información en info@executivasdegalicia.org