Executivas de Galicia dá un novo paso no seu compromiso co tecido empresarial e innovador da comunidade mediante a súa adhesión a “Ultreia Galicia” (Rede Galega do Ecosistema do Emprendemento).
Esta rede estratéxica integra a administracións públicas, universidades, entidades empresariais e sociais, así como aceleradoras de Galicia. O seu obxectivo principal é apoiar, impulsar e acompañar as iniciativas emprendedoras desde unha perspectiva de desenvolvemento territorial e colaborativo.
Con este acordo, a asociación reforza o seu papel como axente activo no fortalecemento do talento e a creación de oportunidades en Galicia.
Podedes consultar o manifesto completo e máis detalles da iniciativa na web oficial de Ultreia Galicia.