O próximo 6 de abril de 2025, Executivas de Galicia formará parte do IV Festival Solidario Nosolocoaching, un evento que converterá a Santiago de Compostela no epicentro do liderado e do desenvolmento persoal.
O festival, que se celebrará no Auditorio Afundación ABANCA, reunirá ata 600 invitados, entre os que destacarán líderes empresariais, expertas en coaching e referentes da transformación persoal. A presenza de Alfonso Rueda, presidente da Xunta de Galicia, subliña a importancia deste encontro no ámbito do talento e o liderado en Galicia.
En Executivas de Galicia, apoiamos este encontro como unha plataforma crave para visibilizar e empoderar ás mulleres líderes. O programa incluirá conferencias sobre liderado inspirador, xestión do cambio e neurociencia aplicada ao desenvolvemento persoal, ademais de experiencias artísticas e espazos de networking.
O Festival Nosolocoaching busca crear un ambiente dinámico que combina aprendizaxe, inspiración e entretemento mediante a inclusión de espectáculos de humor, ilusionismo e música en vivo. Ademais, entregaranse os Premios Ciencia e Humanismo, en recoñecemento a aqueles profesionais que contribuíron ao desenvolvemento do humanismo desde unha perspectiva científica.
A recadación do evento destinarase á Fundación Vicente Ferrer, que apoia proxectos de infancia en Nepal. Con este cartel, Nosolocoaching consolídase como unha cita imprescindible para quen busca crecer, conectar e xerar impacto.