Unha vintena de socias de Executivas de Galicia tiveron a ocasión de reunirse co Conselleiro de Economía, Emprego e Traballo, Francisco Conde, nun encontro que foi solicitado polo propio responsable autonómico, interesado en coñecer o funcionamento do colectivo.
Durante esta reunión, que coincidiu no Día dá Conciliación e da Corresponsabilidade, o conselleiro interesouse pola opinión e os temas que máis preocupan ás nosas socias, especialmente aqueles que afectan as oportunidades profesionais e ás dificultades que aínda afrontan as mulleres nas empresas como é a brecha salarial. Tamén se falou sobre as medidas impulsadas pola Xunta de Galicia para favorecer o talento e para incrementar a presenza da muller nos sectores máis innovadores e tecnolóxicos.
Pola súa banda, Carlas Reyes, presidenta de Executivas, explicou a Francisco Conde o obxectivo principal do colectivo de Executivas, crear unha rede de apoio que visualice e impulse ao empoderamento das mulleres como motor de futuro e axentes crave no desenvolvemento socioeconómico de Galicia, e destacou, ademais, algúns dos proxectos máis importantes da asociación, como é a iniciativa de mulleres referentes e Madrinanet.
