Accessibility Tools

O próximo 2 de febreiro Executivas de Galicia estrea os encontros networking do 2023 organizando un almorzo na Coruña.

O encontro terá lugar nas instalacións que o Nordés Club Empresarial ten en C/ Enrique Mariñas, 32 (Matogrande) a partir das 09:00 horas, contará con prazas limitadas e para poder participar é obrigatorio facer a inscrición no formulario que aparece máis abaixo.

O prazo de inscrición e pago finaliza o 31/01/23.

Como é habitual, falarase sobre diferentes temas relacionados coa visibilidade e empoderamento das mulleres e os últimos proxectos e eventos de Executivas.

A todas as socias lembrámoslles que:

  • cada socia pode levar unha invitada (deberá facer a inscrición previamente)
  • as socias e invitadas realizarán unha presentación de 45 segundos: nome, cargo e empresa

Executivas de Galicia aspira a converterse en motor do cambio da nosa sociedade e co formato de almorzo networking pretendemos que as socias se coñezan para fomentar contactos e relacións, discutir temas de actualidade profesional de interese e crecer en asociadas para conseguir máis visibilidade e facer oír as nosas inquietudes, ideas e propostas.